monumenta.ch > Plinius > sectio 172

Word Selection for Searching

Report an Error in this Sectio
Plinius, Naturalis Historia, 9, 172
{LXXXI} invasit dein singulorum piscium amor. apud Baulos in parte Baiana piscinam habuit Hortensius orator, in qua murenam adeo dilexit, ut exanimatam flesse credatur. in eadem villa Antonia Drusi murenae, quam diligebat, inaures addidit, cuius propter famam nonnulli Baulos videre concupiverunt.